"Liverpul" va Angliya terma jamoasining sobiq himoyachisi Jeymi Karrager mersisaydliklar jamoasi futbolchisi Trent Aleksandr-Arnold haqida o‘z fikrlari bilan o‘rtoqlashdi.

"Ushbu mavsum qanday o‘tgani va Trentning himoyaviy mahorati necha marta yetishmaganini hisobga olsak, bunday davom eta olmaydi. Agar "Liverpul" har yili Chempionlar ligasiga yo‘l olishni istasa, Trentning to‘g‘ri qanot himoyachisi ekanligiga ishonchim komil emas", dedi Karrager.

24 yoshli Aleksandr-Arnold joriy mavsum “qizillar” safida 36 ta o‘yinda maydonga tushib, 3 ta gol urdi va 3 ta golli uzatmani amalga oshirdi.