Kigali (Ruanda) shahrida FIFAning 73-Kongressi o‘tkazildi. Unda tashkilotga a’zo mamlakatlar vakillari, xususan, O‘zbekiston futbol assosiasiyasi delegasiyasi ham ishtirok etdi.
Kun tartibidan tashkilotning 2022 yilgi faoliyatini sarhisob qilish, ushbu davr uchun moliyaviy hisobotlarni taqdim etish, 2024 yil uchun byudjetni tasdiqlash va FIFAga a’zo bo‘lgan assosiasiyalar takliflarini muhokama qilish masalalari o‘rin oldi. Turli yosh toifasidagi musobaqalarga oid yangiliklar taqdim etilib, endilikda 17 yoshgacha bo‘lgan futbolchilar o‘rtasidagi Jahon chempionati har yili o‘tkazib borilishi ma’lum qilindi.
Kongressda, shuningdek, FIFA prezidentligiga saylov bo‘lib o‘tdi. Tashkilotning amaldagi rahbari Janni Infantino 2027 yilga qadar FIFAning prezidenti etib qayta saylandi.
