Pep Gvardiola Aleksis Makallisterni "Manchester Siti"ga o‘tishni taklif qildi.
Tyc Sports xabariga ko‘ra, "shaharliklar" bosh murabbiyi "Brayton" yarim himoyachisini "Siti"ga o‘tishga ko‘ndirish uchun shaxsan qo‘ng‘iroq qilgan.
Argentinalik futbolchining o‘zi yozgi transfer oynasida "chag‘alaylar"ni tark etmoqchi. Unga "Manchester Siti"dan tashqari "Manchester Yunayted", "Chelsi" va "Liverpul" klublari qiziqish bildirmoqda.
Joriy mavsumda Premyer-liganing 22 o‘yinida Makallister 7 ta gol urdi va 1 ta golli uzatmani amalga oshirdi.