«Lokomotiv» bosh murabbiyi Denis Korostichenko «Andijon-SGS»ga qarshi bahsdan keyingi fikrlarini bildirdi.

— Avvalambor, barchaga assalomu alaykum. Ilk navbatda barchani — futbolchilar, murabbiylar, klubimiz xodimlarini g‘alaba bilan tabriklayman. O‘ylashimcha, tashabbusni to‘liqligicha o‘z qo‘limizda ushlab turdik. Mashg‘ulotlarda qanday rejalarni o‘ylagan bo‘lsak, barchasini amalga oshirishga harakat qildik.

Bu ba’zida o‘xshadi, ba’zida esa yo‘q. Natija adolatli, ga’labaga loyiq edik. »Andijon-SGS"da yosh va iqtidorlar juda ko‘p. Ularning chiroyli o‘yinlari va g‘alabalari hali oldinda.

— Jamoangiz ko‘p gol urgan bo‘lsada anchagina vaziyatlardan foydalana olmadi.
— Bu birinchi o‘yin, ammo xech kim hayajonlanmadi. Dastlabki bahs bo‘lgani uchun biroz shoshildik. Shu sabab bo‘lsa kerak.

— Superligaga qaysi jamoalar qaytishini xohlaysiz?
— Avvalo o‘zimiz qaytishimiz kerak. Biroq shu bilan birgalikda barcha o‘yinlarni kuzatib boramiz.