"Buxoro" klubi bosh murabbiyi Hakim Fuzaylov Superliganing 3-turi doirasida bo‘lib o‘tgan "Nasaf"ga qarshi o‘yin (0:1) borasida o‘z fikrini bildirib o‘tdi.

«Menimcha bugungi o‘yinimiz futbol muxlislariga yoqdi deb o‘ylayman. To‘g‘risini aytsam, biz ko‘rsatayotgan o‘yinimizdan umuman uyalmayman. Jamoam yomon o‘yin ko‘rsatmayapti. Oxirgi ikki turda jamoam ochko yo‘qotdi. Menimcha, bizga ozgina omad yetishmayapti. Umuman, o‘yin uchun, borlarini berib o‘ynaganlari uchun yigitlarga katta rahmat. Ustimizda yanada qattiqroq ishlashimiz kerak. Ko‘rib turibman, jamoam ko‘p narsaga qodir va hali o‘z so‘zini aytadi», — dedi Fuzaylov.