1. "Manchester Siti"
Balki, Gvardiola va uning jamoasi uchun eng katta sovrinni yutish vaqti kelgandir? "Shaharliklar" kubok bahslaridan birini tark etgan. Agarda APLda ham omad kulib boqmasa, u holda YECHL "Manchester Siti" uchun yagona najot bo‘ladi. Ilk YECHL tituli Gvardiola uchun uning Angliyadagi ishini butunlay boshqa darajaga olib chiqadi. 7-0 hisobida "Leypsig" ustidan g‘alaba, amaldagi Angliya chempionlarini "Bavariya"ga ro‘baro qildi. Agarda bu to‘siq yengib o‘tilsa, yarim finalda ularni "Real" yoki "Chelsi" juftligidan biri kutib turadi. Ammo shunday murakkab yo‘lga ega bo‘lsa ham, "Manchester Siti" bu mavsumdagi eng favorit jamoa sifatida qayd etilmoqda.
2. "Bavariya"
Odatda Bundesligada yaqqol favorit sifatida qayd etiladigan jamoa, bu mavsumda, ichki chempionatda unchalik ham yaqqon peshqadam emas. Balki, bu YECHLga bo‘lgan katta e’tibor oqibatidir. Harxolda, shunday o‘ylashga haqqimiz bor. Negaki, myunxenliklar "PSJ"ni ikki o‘yin natijasiga ko‘ra, 3-0 hisobida dog‘da qoldirgan edi. "Bavariya"ning yarim finalga chiqishi uchun Pep Gvardiola sinovi kutmoqda.
3. "Napoli"
Guruh bahslarida "Liverpul"dek raqibdan o‘zib ketib, g‘olib holda keyinga bosqichga chiqqan jamoa "Napoli" bo‘ldi. Nimchorak final bahsida turnirni yutish uchun 6 da’vogar sifatida ko‘rilgan Spaletti shogirdlari, hozir 3 o‘ringa ko‘tarilib oldi. "Napoli" A seriyada ham katta farq bilan peshqadamlikka ega. Bu jamoa YECHLning chorak final bosqichida ilk bor qatnashmoqda. Endilikda, bu bosqich "Milan"ga qarshi kechadi. Agar bu to‘siq yengib o‘tilsa, "Inter" va "Benfika" juftligi g‘olibi bilan kuch sinashiladi.
4. "Real"
Nimchorakning ilk o‘yini "Real"ga ancha qiyin boshlanadi. Raqib "Liverpul" edi va bu jamoa 2 ta gol farqi bilan "Real"dan oldinga chiqib oladi. Ammo bahsning oxiriga qadar, ispanlar 3 ta to‘p farqi bilan g‘alaba qozonadi. Javob bahsida Anchelotti Kloppga masterklass namoyish etib, 1-0 hisobida taslim etgandi. "Qirollik klubi" uchun keyingi raqib "Chelsi" bo‘ladi.
5. "Inter"
"Portu" mag‘lub etilgani rost. Ammo ikki bahsda g‘alaba o‘ta g‘alati usulda qo‘lga kiritildi. Aslini olganda, "ajdaholar" nimchorak bosqichida turnirni yutish uchun 7 o‘rinda qayd etilgandi. Endi esa bu ehtimol ancha oshib, "Inter"ga beshinchi nomzod nomi nasib etmoqda.
6. "Benfika"
Bu jamoaning qayerdadir qoqilishini kutishga sabablar bor. Ammo nimchorak finalda "Bryugge" darvozasiga 7 ta gol urgan jamoaning ham, past bo‘lsada, imkoniyatlari bo‘ladi. "Inter" "Benfika" uchun keyingi raqib. Bu portugaliyaliklar uchun o‘ta murakkab o‘yin bo‘lishi aniq.
7. "Chelsi"
Baribir Grem Potter Tomas Tuxel kabi bo‘la olgani yo‘q. Ammo "Chelsi" bundan oldingi bosqichning birinchi davrasida 1 to‘p farqi bilan yutqazayotgandi. Hozir esa londonliklar chorak finalda turibdi. Bu jamoa uchun APLdagi kurash mantiqan yakunlangani sababli, "Chelsi" hamma e’tiborini YECHLga qaratadi. Raqib "Real" bo‘lgani uchun ham Potter jamoasining imkoniyatlari tushib ketdi.
8. "Milan"
"Milan" "Tottenxem"ni qiyinchiliksiz yengib, so‘nggi 11 yilda ilk marta chorak finalga yetib keldi. Jamoani chorak finalda "quturgan" "Napoli" kutib turibdi. Agarda yarim finalga chiqilsa, u holda "Benfika" yoki "Inter"dan biri "rossonerri"lar uchun raqib bo‘ladi.
ISMATOV J.
