"Vilyarreal" yarim himoyachisi Yeremi Pino faoliyatini Italiyada davom ettirishi mumkin. Fichajes nashri jurnalistlarining yozishicha, 20 yoshli futbolchining xizmatlariga Turinning "Yuventus" klubi qiziqish bildirmoqda.
Manbaga ma’lum bo‘lishicha, "keksa sinyora" vakillari futbolchiga taklif tayyorlamoqda. Pinoning "Vilyarreal" bilan shartnomasi 2027 yilning yoziga qadar tuzilgan. Uning transfer narxi 38 million yevroga baholanmoqda.
Yarim himoyachi joriy mavsumda 23 ta o‘yinda maydonga tushib, 3 ta gol va bitta golli uzatmaga mualliflik qilgan.