"Вильярреал" ярим ҳимоячиси Йереми Пино фаолиятини Италияда давом эттириши мумкин. Fichajes нашри журналистларининг ёзишича, 20 ёшли футболчининг хизматларига Туриннинг "Ювентус" клуби қизиқиш билдирмоқда.
Манбага маълум бўлишича, "кекса синьора" вакиллари футболчига таклиф тайёрламоқда. Пинонинг "Вильярреал" билан шартномаси 2027 йилнинг ёзига қадар тузилган. Унинг трансфер нархи 38 миллион еврога баҳоланмоқда.
Ярим ҳимоячи жорий мавсумда 23 та ўйинда майдонга тушиб, 3 та гол ва битта голли узатмага муаллифлик қилган.