Fransiya terma jamoasi va Frankfurtning «Ayntraxt» klubi hujumchisi Randal Kolo-Muani Tumanli Albionga o‘tishi mumkin.
«Manchester Yunayted» markaziy hujumchilar yetishmayotgan bir paytda futbolchini o‘z safiga qo‘shib olmoqchi.
Todofichajesning so‘zlariga ko‘ra, «qizil iblislar» 24 yoshli to‘purar uchun 120 million yevro to‘lashga tayyor.
«Ayntraxt» aynan mana shu summani Randal transferidan olishni kutmoqda. Shartnoma yozgi transfer oynasida yakunlanishi mumkin.
Kolo-Muani joriy mavsumda Bundesligada 24 ta o‘yinda maydonga tushib, 11 ta gol va 10 ta golli uzatmaga mualliflik qilgan.