"Aston Villa" yozda "Sporting" yarim himoyachisi Pedro Gonsalveshni sotib olmoqchi.
Xabarlarga ko‘ra, ingliz klubi 24 yoshli portugaliyalik yarim himoyachini ma’lum vaqtdan beri kuzatib kelmoqda. Uning Yevropa ligasi 1/8 finalining "Arsenal"ga qarshi javob o‘yini (1:1, penaltilar bo‘yicha 5:3) "Aston Villa"da yaxshi taassurot qoldirdi.
Gonsalvesh "Sporting"da 2020 yildan buyon to‘p suradi. Uning klub bilan shartnomasi 2026 yilning iyunigacha mo‘ljallangan. Transfermarkt portali futbolchining narxini 30 million yevroga baholamoqda.
2022/23 yilgi mavsumda Gonsalvesh "Sporting" safida barcha musobaqalarda 39 ta o‘yinda maydonga tushib, 17 ta gol urdi va 9 ta golli uzatmani amalga oshirdi.