"Астон Вилла" ёзда "Спортинг" ярим ҳимоячиси Педро Гонсалвешни сотиб олмоқчи.
Хабарларга кўра, инглиз клуби 24 ёшли португалиялик ярим ҳимоячини маълум вақтдан бери кузатиб келмоқда. Унинг Европа лигаси 1/8 финалининг "Арсенал"га қарши жавоб ўйини (1:1, пенальтилар бўйича 5:3) "Астон Вилла"да яхши таассурот қолдирди.
Гонсалвеш "Спортинг"да 2020 йилдан буён тўп суради. Унинг клуб билан шартномаси 2026 йилнинг июнигача мўлжалланган. Transfermarkt портали футболчининг нархини 30 миллион еврога баҳоламоқда.
2022/23 йилги мавсумда Гонсалвеш "Спортинг" сафида барча мусобақаларда 39 та ўйинда майдонга тушиб, 17 та гол урди ва 9 та голли узатмани амалга оширди.