Lissabonning «Benfika» jamoasi Gonsalo Ramushning o‘rnini bosadigan hujumchi izlay boshladi. 21 yoshli futbolchi yozgi transfer oynasida klubini o‘zgartirishi mumkin, unga «Real» va «PSJ» qiziqish bildirmoqda.
Record xabariga ko‘ra, Portugaliya top-klubi Ramush o‘rniga Rotterdamning «Feyenoord» klubi hujumchisi Santyago Ximenesni jamoaga taklif qilmoqchi.
Joriy mavsumda meksikalik 39 ta bahsda qatnashib, 20 ta gol va 3 ta golli uzatmani amalga oshirdi.
O‘z navbatida, Ramush joriy mavsumda «Benfika» safida 36 ta o‘yinda maydonga tushib, 24 ta gol va 10 ta golli uzatmaga mualliflik qilgan.
