Лиссабоннинг «Бенфика» жамоаси Гонсало Рамушнинг ўрнини босадиган ҳужумчи излай бошлади. 21 ёшли футболчи ёзги трансфер ойнасида клубини ўзгартириши мумкин, унга «Реал» ва «ПСЖ» қизиқиш билдирмоқда.

Record хабарига кўра, Португалия топ-клуби Рамуш ўрнига Роттердамнинг «Фейеноорд» клуби ҳужумчиси Сантьяго Хименесни жамоага таклиф қилмоқчи.

Жорий мавсумда мексикалик 39 та баҳсда қатнашиб, 20 та гол ва 3 та голли узатмани амалга оширди.

Ўз навбатида, Рамуш жорий мавсумда «Бенфика» сафида 36 та ўйинда майдонга тушиб, 24 та гол ва 10 та голли узатмага муаллифлик қилган.