Darvozabon Emiliano Martines yozda “Aston Villa”ni tark etishi mumkinligi haqidagi xabarlarni rad etdi.
Martines ushbu mavsum boshida Argentina terma jamoasi bilan Qatarda bo‘lib o‘tgan FIFA Jahon chempionatida g‘alaba qozonganidan so‘ng, yozgi transfer oynasida Martines top-klublar nishoniga aylanishi mumkinligi haqida mish-mishlar tarqaldi.
Biroq, shanba kuni "Bornmut" ustidan qozonilgan 3:0 hisobidagi g‘alabadan so‘ng, "Tottenxem", "Bavariya" va "Yuventus" klublaridan tushayotgan takliflarga qaramasdan, 30 yoshli darvozabon kelajagi "Aston Villa" bilan bog‘liqligini aniq aytdi.
"Bu ajoyib tuyg‘u. Agar biz 3:1 hisobida g‘alaba qozonganimizda, uyga ketgan bo‘lardim va soatlab uxlay olmasdim, chunki men hamisha o‘z darvozamdan gol o‘tkazib yubormaslikni o‘ylayman.
Men juda ambisiyaliman, yaxshiroq bo‘lishga intilaman. "Aston Villa"ga qo‘shilganimdan beri faoliyatim yuqoriga ko‘tarildi. Men har doim bu klubdan minnatdorman va bu yerda bo‘lishni yaxshi ko‘rishimni aytganman.
Mening oilam klubda baxtli, o‘g‘lim futbol o‘ynashga berilib ketadi va u akademiyaning U6 jamoasida o‘ynaydi. Biz bu yerda qolishimizdan zavqlanamiz va bu yerda yana ko‘p yillarni o‘tkazishga umid qilamiz", - dedi Martines Daily Mail bilan suhbatda.
