Дарвозабон Эмилиано Мартинес ёзда “Астон Вилла”ни тарк этиши мумкинлиги ҳақидаги хабарларни рад этди.

Мартинес ушбу мавсум бошида Аргентина терма жамоаси билан Қатарда бўлиб ўтган ФИФА Жаҳон чемпионатида ғалаба қозонганидан сўнг, ёзги трансфер ойнасида Мартинес топ-клублар нишонига айланиши мумкинлиги ҳақида миш-мишлар тарқалди.

Бироқ, шанба куни "Борнмут" устидан қозонилган 3:0 ҳисобидаги ғалабадан сўнг, "Тоттенхэм", "Бавария" ва "Ювентус" клубларидан тушаётган таклифларга қарамасдан, 30 ёшли дарвозабон келажаги "Астон Вилла" билан боғлиқлигини аниқ айтди.

"Бу ажойиб туйғу. Агар биз 3:1 ҳисобида ғалаба қозонганимизда, уйга кетган бўлардим ва соатлаб ухлай олмасдим, чунки мен ҳамиша ўз дарвозамдан гол ўтказиб юбормасликни ўйлайман.

Мен жуда амбициялиман, яхшироқ бўлишга интиламан. "Астон Вилла"га қўшилганимдан бери фаолиятим юқорига кўтарилди. Мен ҳар доим бу клубдан миннатдорман ва бу ерда бўлишни яхши кўришимни айтганман.

Менинг оилам клубда бахтли, ўғлим футбол ўйнашга берилиб кетади ва у академиянинг U6 жамоасида ўйнайди. Биз бу ерда қолишимиздан завқланамиз ва бу ерда яна кўп йилларни ўтказишга умид қиламиз", - деди Мартинес Daily Mail билан суҳбатда.