"Real"ning hujumkor yarim himoyachisi Marko Asensio, matbuotda paydo bo‘lgan mish-mishlarga qaramay, "Barselona"ga o‘tmaydi. Todofichajes xabariga ko‘ra, Kataloniya klubi "El-klasiko"dagi Asensioning harakatlaridan so‘ng uni transfer qilish variantidan voz kechgan. Asensio to‘pni "Barselona" darvozasiga yo‘lladi (keyinchalik gol o‘yindan tashqari holat tufayli hisobga olinmadi) va "Kamp Nou" stadioni tribunalariga qarab "Real Madrid" gerbiga ishora qila boshladi.
"Real" bilan shartnomasi yozda tugaydigan Marko Asensioda boshqa transfer variantlari ham ko‘p. 27 yoshli futbolchiga “Arsenal”, “Chelsi”, “Manchester Yunayted”, “Milan” va boshqa klublar qiziqish bildirmoqda.