"Реал"нинг ҳужумкор ярим ҳимоячиси Марко Асенсио, матбуотда пайдо бўлган миш-мишларга қарамай, "Барселона"га ўтмайди. Todofichajes хабарига кўра, Каталония клуби "Эл-класико"даги Асенсионинг ҳаракатларидан сўнг уни трансфер қилиш вариантидан воз кечган. Асенсио тўпни "Барселона" дарвозасига йўллади (кейинчалик гол ўйиндан ташқари ҳолат туфайли ҳисобга олинмади) ва "Камп Ноу" стадиони трибуналарига қараб "Реал Мадрид" гербига ишора қила бошлади.
"Реал" билан шартномаси ёзда тугайдиган Марко Асенсиода бошқа трансфер вариантлари ҳам кўп. 27 ёшли футболчига “Арсенал”, “Челси”, “Манчестер Юнайтед”, “Милан” ва бошқа клублар қизиқиш билдирмоқда.
