"Inter" yoz oylarida futbolchilarni ommaviy ravishda sotishga tayyorlanmoqda, deya xabar beradi La Gazette Dello Sport.
Manbaga ko‘ra, yakshanba kuni "Yuventus"ga (0:1) qarshi maydonga tushgan o‘n bir o‘yinchidan sakkiz nafari 30 yoshdan katta bo‘lgan va endi tarkibni yangilash transfer oynasida klub uchun eng muhim vazifa hisoblanadi.
"Yuventus"ga qarshi maydonga tushgan o‘n bir futbolchidan oltitasining shartnomasi mavsum oxirida tugaydi. Ulardan faqat Edin Jeko va Stefan de Vrey shartnomani uzaytirish bo‘yicha muzokaralarga kirishdi.
Natijada, Italiyadan kelgan xabarlarga ko‘ra, Simeone Indzagining joriy mavsumdagi asosiy tarkibining asosiy qismi "Inter"ni tark etadi. Marselo Brozovich, Denzel Dyumfris va Xoakin Korrea transferi orqali klub biroz mablag‘ ishlab olishi mumkin.
Oldinroq "Inter" "Chelsi"dan hujumchi Romelu Lukakuni sotib olmasligi haqida xabarlar tarqalgan edi.
“Inter” A Seriyada 27 turdan keyin 50 ochko bilan uchinchi o‘rinda bormoqda.