"Интер" ёз ойларида футболчиларни оммавий равишда сотишга тайёрланмоқда, дея хабар беради La Gazette Dello Sport.
Манбага кўра, якшанба куни "Ювентус"га (0:1) қарши майдонга тушган ўн бир ўйинчидан саккиз нафари 30 ёшдан катта бўлган ва энди таркибни янгилаш трансфер ойнасида клуб учун энг муҳим вазифа ҳисобланади.
"Ювентус"га қарши майдонга тушган ўн бир футболчидан олтитасининг шартномаси мавсум охирида тугайди. Улардан фақат Эдин Жеко ва Стефан де Врей шартномани узайтириш бўйича музокараларга киришди.
Натижада, Италиядан келган хабарларга кўра, Симеоне Индзагининг жорий мавсумдаги асосий таркибининг асосий қисми "Интер"ни тарк этади. Марсело Брозович, Дензел Дюмфрис ва Хоакин Корреа трансфери орқали клуб бироз маблағ ишлаб олиши мумкин.
Олдинроқ "Интер" "Челси"дан ҳужумчи Ромелу Лукакуни сотиб олмаслиги ҳақида хабарлар тарқалган эди.
“Интер” А Серияда 27 турдан кейин 50 очко билан учинчи ўринда бормоқда.
