“Liverpul” va Fransiya terma jamoasi himoyachisi Ibrahima Konate “PSJ” hujumchisi Kilian Mbappeni terma jamoa sardori etib tayinlash qaroridan nega xursand ekanligini tushuntirdi.
“Murabbiy qaror qiladi, lekin men tanlovdan juda mamnunman. Rostini aytsam, Kilian Mbappe bunga loyiq edi va biz bu masalada yakdilmiz.
U 2022 yilgi jahon chempionatidagi o‘yini bilan ham, "PSJ"dagi o‘yinlari bilan ham bunga loyiq edi. Va hattoki jahon chempionatidan oldingi o‘yinlari ham shuni ko‘rsatadi.
U maydonda ham, undan tashqarida ham juda yaxshi yetakchi. Unga muvaffaqiyatlar tilayman, u juda yaxshi sardor bo‘ladi", - deya Konatening so‘zlarini keltiradi Eurosport.
Avvalgi jamoa sardori Ugo Lyoris edi. 36 yoshli darvozabon Qatarda bo‘lib o‘tgan JCH-2022dan so‘ng terma jamoadagi faoliyatini yakunladi.
