“Ливерпуль” ва Франция терма жамоаси ҳимоячиси Ибраҳима Конате “ПСЖ” ҳужумчиси Килиан Мбаппени терма жамоа сардори этиб тайинлаш қароридан нега хурсанд эканлигини тушунтирди.

“Мураббий қарор қилади, лекин мен танловдан жуда мамнунман. Ростини айтсам, Килиан Мбаппе бунга лойиқ эди ва биз бу масалада якдилмиз.

У 2022 йилги жаҳон чемпионатидаги ўйини билан ҳам, "ПСЖ"даги ўйинлари билан ҳам бунга лойиқ эди. Ва ҳаттоки жаҳон чемпионатидан олдинги ўйинлари ҳам шуни кўрсатади.

У майдонда ҳам, ундан ташқарида ҳам жуда яхши етакчи. Унга муваффақиятлар тилайман, у жуда яхши сардор бўлади", - дея Конатенинг сўзларини келтиради Eurosport.

Аввалги жамоа сардори Уго Льорис эди. 36 ёшли дарвозабон Қатарда бўлиб ўтган ЖЧ-2022дан сўнг терма жамоадаги фаолиятини якунлади.