"Liverpul" "Chelsi" yarim himoyachisi Meyson Mauntni qo‘lga kiritish uchun yaxshi holatda ekanligiga ishonmoqda.

90min nashri xabariga ko‘ra, 24 yoshli futbolchining "ko‘klar" bilan amaldagi shartnomasi tugashiga bir yildan sal ko‘proq vaqt qolgan va shartnomani uzaytirish bo‘yicha muzokaralarga qaramay, tomonlar kelishuvga erisha olishmayapti.

Mauntga "Liverpul"dan tashqari "Manchester Yunayted", "Manchester Siti" va "Nyukasl" klublari ham qiziqish bildirmoqda.

Yarim himoyachi joriy mavsum “Chelsi” safida 32 ta o‘yinda maydonga tushib, 3 ta gol urdi va 6 ta golli uzatmani amalga oshirdi. Transfermarkt portali futbolchining narxini 65 million yevroga baholagan.