Madridning «Real» klubi xorvatiyalik tajribali yarim himoyachi Luka Modrichning o‘rnini bosa oladigan futbolchi topdi.

Todofichajesning so‘zlariga ko‘ra, Portugaliya terma jamoasi va «Manchester Siti» yarim himoyachisi Bernardu Silva «qirollik» klubining qiziqish doirasiga tushgan.

«Qaymoqranglilar» futbolchi uchun bahsda «Barselona»dan oldinga o‘tmoqchi. Bernarduning transferi «Real»ga 80 million yevroga tushishi mumkin. Uning «shaharliklar» bilan shartnomasi 2025 yilning yoziga qadar tuzilgan.

Silva joriy mavsumda 25 ta o‘yinda maydonga tushib, 4 ta gol va 5 ta golli uzatmaga mualliflik qilgan.