Мадриднинг «Реал» клуби хорватиялик тажрибали ярим ҳимоячи Лука Модричнинг ўрнини боса оладиган футболчи топди.

Todofichajesнинг сўзларига кўра, Португалия терма жамоаси ва «Манчестер Сити» ярим ҳимоячиси Бернарду Силва «қироллик» клубининг қизиқиш доирасига тушган.

«Қаймоқранглилар» футболчи учун баҳсда «Барселона»дан олдинга ўтмоқчи. Бернардунинг трансфери «Реал»га 80 миллион еврога тушиши мумкин. Унинг «шаҳарликлар» билан шартномаси 2025 йилнинг ёзига қадар тузилган.

Силва жорий мавсумда 25 та ўйинда майдонга тушиб, 4 та гол ва 5 та голли узатмага муаллифлик қилган.