"Barselona" himoyachisi Jordi Alba futbolchilik faoliyati asta-sekin yakunlanayotganini tushundi. Kelasi mavsum oxirida 34 yoshli himoyachining "ko‘k-anorranglilar" bilan shartnomasi muddati tugaydi.
“Men o‘zimni yaxshi his qilyapman, lekin o‘ynashga ko‘p vaqtim yo‘qligini tushunaman. "Barselona"ning talablarini va mening yoshimni hisobga olsak, bu aniq. Shunga qaramay, qolgan yillarda ham jang qilishga tayyorman. Ko‘ramiz, "Barselona" bilan shartnomam tugagach, nima bo‘ladi", - dedi Alba.
Joriy mavsumda Jordi Ispaniya chempionatida 1 ta gol urdi va 3 ta golli uzatmani amalga oshirdi.
