Londonning “Tottenxem” klubi bosh murabbiy Antonio Konte o‘rniga nomzodlardan birini tanlashga qaror qildi. Eslatib o‘tamiz, italiyalik mutaxassis "Sautgempton"ga qarshi o‘yindan keyingi shov-shuvli matbuot anjumanida aytgan so‘zlari tufayli iste’foga chiqarishga yaqin turibdi.
Jurnalist Deyv Xinter xabariga ko‘ra, "shporlar" "Manchester Siti"ning sobiq sardori, hozirda "Byornli"ni muvaffaqiyatli boshqarayotgan Vensan Kompanini jamoaga olib kelishni ko‘rib chiqmoqda. Belgiyalik bosh murabbiyligidagi jamoa Chempionshipda ishonchli tarzda peshqadamlik qilmoqda.
"Byornli" Angliya Premyer-ligasiga qaytish arafasida turganini hisobga olsak, Kompani "Tottenxem"ni boshqarishga rozi bo‘ladimi yoki yo‘qmi, noma’lum.
