"Real" kelasi yili Erling Xolandni o‘z safiga qo‘shib olmoqchi.
Madrid klubi norvegiyalik hujumchining transferini 2024 yil uchun ustuvor maqsad deb biladi. "Real Madrid" agar futbolchi kelasi yozda "Siti"ni tark etishga qaror qilsa, muzokaralar olib borish uchun tayyorgarlik choralarini ko‘rmoqda.
"Qaymoqranglilar" Xolandni Karim Benzemaning o‘rniga mukammal o‘rinbosar sifatida ko‘rishmoqda. AS xabariga ko‘ra, bu transfer klubga 220-240 million yevroga tushadi.
"Real Madrid" o‘z hujum chizig‘ida Xoland, Mbappe va Vinisiusni birlashtirmoqchi. 2024 yilga borib klub maoshlarni tushiradi - Karim Benzema, Toni Kroos, Eden Azar va Luka Modrichning ketishi madridliklarga maoshlardan 50 million yevro tejash imkonini beradi.
Joriy mavsumda Xoland APLda 26 ta o‘yinda maydonga tushib, 28 ta gol va 5 ta golli uzatmaga mualliflik qilgan.