"Реал" келаси йили Эрлинг Холандни ўз сафига қўшиб олмоқчи.
Мадрид клуби норвегиялик ҳужумчининг трансферини 2024 йил учун устувор мақсад деб билади. "Реал Мадрид" агар футболчи келаси ёзда "Сити"ни тарк этишга қарор қилса, музокаралар олиб бориш учун тайёргарлик чораларини кўрмоқда.
"Қаймоқранглилар" Холандни Карим Бенземанинг ўрнига мукаммал ўринбосар сифатида кўришмоқда. AS хабарига кўра, бу трансфер клубга 220-240 миллион еврога тушади.
"Реал Мадрид" ўз ҳужум чизиғида Холанд, Мбаппе ва Винисиусни бирлаштирмоқчи. 2024 йилга бориб клуб маошларни туширади - Карим Бензема, Тони Кроос, Эден Азар ва Лука Модричнинг кетиши мадридликларга маошлардан 50 миллион евро тежаш имконини беради.
Жорий мавсумда Холанд АПЛда 26 та ўйинда майдонга тушиб, 28 та гол ва 5 та голли узатмага муаллифлик қилган.