«Barselona» markaziy himoyachi Andreas Kristensenning o‘yinidan juda mamnun.

Daniyalik futbolchi o‘tgan yozda «Chelsi»dan erkin agent sifatida kataloniyaliklar safiga qo‘shilgan edi.

Xavi Ernandes jamoasi ichki ligada ishonchli harakatlanmoqda. Kristensen esa so‘nggi oylardagi muvaffaqiyatlarning asosiy yaratuvchilaridan biri sanaladi.

Jurnalist Ferran Martinesning so‘zlariga ko‘ra, «Barselona» 26 yoshli markaziy himoyachining o‘yinidan shunchalik qoyil qolganki, uni keyingi 7-8 yil davomida so‘zsiz asosiy o‘yinchi sifatida ko‘radi.

Andreas Kristensen «ko‘k-anorranglilar» safida 25 ta o‘yinda maydonga tushgan. Daniyalik jarohat sabab keyingi uch haftani o‘tkazib yuboradi.