«Барселона» марказий ҳимоячи Андреас Кристенсеннинг ўйинидан жуда мамнун.

Даниялик футболчи ўтган ёзда «Челси»дан эркин агент сифатида каталонияликлар сафига қўшилган эди.

Хави Эрнандес жамоаси ички лигада ишончли ҳаракатланмоқда. Кристенсен эса сўнгги ойлардаги муваффақиятларнинг асосий яратувчиларидан бири саналади.

Журналист Ферран Мартинеснинг сўзларига кўра, «Барселона» 26 ёшли марказий ҳимоячининг ўйинидан шунчалик қойил қолганки, уни кейинги 7-8 йил давомида сўзсиз асосий ўйинчи сифатида кўради.

Андреас Кристенсен «кўк-анорранглилар» сафида 25 та ўйинда майдонга тушган. Даниялик жароҳат сабаб кейинги уч ҳафтани ўтказиб юборади.