"Kristal Pelas" vingeri Vilfrid Zaxa Maurisio Pochettino bosh murabbiy bo‘lsa, "Tottenxem"ga o‘tishi mumkin.
Argentinalik murabbiy Antonio Kontening o‘rniga asosiy da’vogarlardan biri sanaladi. Pochettinoning o‘zi, avvalroq xabar qilinganidek, "Tottenxem"ga qaytishga tayyor, bundan tashqari, The Sun nashri xabariga ko‘ra, murabbiy ishga joylashsa, birinchi transfer maqsadi haqida allaqachon qaror qabul qilgan. Uning fikricha, jamoa “Kristal Pelas” bilan shartnomasi iyun oyida tugaydigan Zaxa tomonidan kuchaytirilishi kerak. 30 yoshli ivuarlik futbolchiga APLning boshqa klublari ham qiziqish bildirmoqda.