"Кристал Пэлас" вингери Вилфрид Заха Маурисио Почеттино бош мураббий бўлса, "Тоттенхэм"га ўтиши мумкин.
Аргентиналик мураббий Антонио Контенинг ўрнига асосий даъвогарлардан бири саналади. Почеттинонинг ўзи, аввалроқ хабар қилинганидек, "Тоттенхэм"га қайтишга тайёр, бундан ташқари, The Sun нашри хабарига кўра, мураббий ишга жойлашса, биринчи трансфер мақсади ҳақида аллақачон қарор қабул қилган. Унинг фикрича, жамоа “Кристал Пэлас” билан шартномаси июнь ойида тугайдиган Заха томонидан кучайтирилиши керак. 30 ёшли ивуарлик футболчига АПЛнинг бошқа клублари ҳам қизиқиш билдирмоқда.
