Iroqlik sport jurnalisti Ali Ismoil Rossiya va Iroq terma jamoalari o‘rtasidagi o‘rtoqlik uchrashuvidan kutganlari haqida gapirdi.
- O‘yindan nimani kutyapsiz?
«Juda qiyin o‘yin bo‘ladi. Albatta, Rossiya termasiga osonroq bo‘ladi, u uzoq vaqtdan beri ilk bor o‘z muxlislari qarshisida o‘ynaydi va g‘alaba qozonishni xohlaydi.
Biz uchun bu o‘zimizni ko‘rsatish uchun qo‘shimcha motivasiya. Men haqiqatan ham Iroq termasi mag‘lub bo‘lmaydi, deb o‘ylayman».
- Rossiya terma jamoasidan kimnidir bilasizmi?
«Afsuski, Rossiya terma jamoasidan hech kimni tanimayman. Men Yevropa futbolini kuzatib boraman, Rossiya terma jamoasi futbolchilari o‘z chempionatida o‘ynashadi. Avvallari Rossiya terma jamoasi futbolchilarini ko‘p ko‘rardim. Arshavin, Jirkov, Cherishevni yaxshi eslayman»
- Iroq terma jamoasida kimlarni alohida ko‘rsatgan bo‘lardingiz?
«Bizda juda kuchli o‘yinchilar yetarli, Zidan Iqbol «Manchester Yunayted»da o‘ynaydi, uning istiqboli bor.
Shuningdek, Ali Al-Hamadiy, Ayman Husayn, Ibrohim Baish va Amjad Atvanni ajratib ko‘rsatgan bo‘lardim. «Rubin»dan Ali Adnan haqida allaqachon bilasiz», - deydi Ismoil.
