"Manchester Siti" yarim himoyachisi Kelvin Fillips yozda jamoasini o‘zgartirishi mumkin.

Dail Star tarqatgan xabarlarga ko‘ra, futbolchi "shaharliklar" tarkibidagi kam o‘yin amaliyotidan norozi. U jamoasini o‘zgartirishga qarshi emas. Fillips aynan kam o‘yin amaliyoti sabab Angliya terma jamoasidagi o‘rnini yo‘qotib qo‘ydi, u ko‘proq daqiqalar beradigan klubga o‘tmoqchi. Manba shuningdek unga "Vest Xem"dan qiziqish borligi haqida qo‘shimcha qilgan.

"Siti" uni faqatgina sotib olgan summasiga qo‘yib yuborishi mumkin. Gvardiola jamoasi uning transferiga 49 million yevro sarflagan.

Fillips bu mavsumda 13 ta o‘yinda ishtirok etgan va bulardan faqat 2 tasini asosiy tarkibda boshlagan.