"Манчестер Сити" ярим ҳимоячиси Кэлвин Филлипс ёзда жамоасини ўзгартириши мумкин.
Dail Star тарқатган хабарларга кўра, футболчи "шаҳарликлар" таркибидаги кам ўйин амалиётидан норози. У жамоасини ўзгартиришга қарши эмас. Филлипс айнан кам ўйин амалиёти сабаб Англия терма жамоасидаги ўрнини йўқотиб қўйди, у кўпроқ дақиқалар берадиган клубга ўтмоқчи. Манба шунингдек унга "Вест Хэм"дан қизиқиш борлиги ҳақида қўшимча қилган.
"Сити" уни фақатгина сотиб олган суммасига қўйиб юбориши мумкин. Гвардиола жамоаси унинг трансферига 49 миллион евро сарфлаган.
Филлипс бу мавсумда 13 та ўйинда иштирок этган ва булардан фақат 2 тасини асосий таркибда бошлаган.
