"Arsenal"ning sobiq yarim himoyachisi Jek Uilsher "Vest Xem" sardori Deklan Rays kelasi yozda "kanonirlar" safiga o‘tishiga umid bildirdi. Eslatib o‘tamiz, angliyalik yarim himoyachi "Arsenal" bosh murabbiyi Mikel Artetaning yaqinlashib kelayotgan mavsum oralig‘idagi asosiy maqsadlaridan biri hisoblanadi.
"Biz hamma narsani qila oladigan yarim himoyachi haqida gapiryapmiz. Men Deklan qanday tanlov qilsa ham, uni qo‘llab-quvvatlayman, lekin umid qilamanki, u "Arsenal"ga o‘tadi. O‘ylaymanki, Mikel Arteta Raysga muvaffaqiyatga erishishda yordam bera oladi”, — dedi Uilsher.
Raysni yozda "Arsenal" bilan raqobatlashishga tayyor bo‘lgan sobiq jamoasi "Chelsi" ham nishonga oladi.
