"Арсенал"нинг собиқ ярим ҳимоячиси Жек Уилшер "Вест Хэм" сардори Деклан Райс келаси ёзда "канонирлар" сафига ўтишига умид билдирди. Эслатиб ўтамиз, англиялик ярим ҳимоячи "Арсенал" бош мураббийи Микель Артетанинг яқинлашиб келаётган мавсум оралиғидаги асосий мақсадларидан бири ҳисобланади.
"Биз ҳамма нарсани қила оладиган ярим ҳимоячи ҳақида гапиряпмиз. Мен Деклан қандай танлов қилса ҳам, уни қўллаб-қувватлайман, лекин умид қиламанки, у "Арсенал"га ўтади. Ўйлайманки, Микель Артета Райсга муваффақиятга эришишда ёрдам бера олади”, — деди Уилшер.
Райсни ёзда "Арсенал" билан рақобатлашишга тайёр бўлган собиқ жамоаси "Челси" ҳам нишонга олади.
