Italiyalik yarim himoyachi Nikolo Dzanyolo faoliyatining hozirgi davri haqida gapirdi. Ayni damda yarim himoyachi Istanbulning “Galatasaroy” jamoasi safida Turkiya chempionatida to‘p surmoqda.
"Shartnomam davomida Turkiyada o‘ynayman, deb hozircha aniq ayta olmayman. “Galatasaroy”dan tashqari, “Bornmut” va “Fenerbaxche” bilan ham variantlarim bor edi, lekin o‘shanda “Galatasaroy” bilan kelishuvga erishgandim. Bu yer menga yoqadi, jamoaning ajoyib stadioni va muxlislari bor”, - dedi Dzanyolo.
23 yoshli yarim himoyachi qishki transfer oynasida "Galatasaroy" safiga qo‘shildi. U klub bilan 2027 yilning o‘rtalariga qadar shartnoma imzoladi.
