«Fulxem» hujumchisi Aleksandr Mitrovich yozgi transferlar vaqtida jamoani tark etishi mumkin.

Todofichajesning so‘zlariga ko‘ra, 28 yoshli serb Londonning boshqa bir klubi «Kristal Pelas»ning qiziqishiga tushgan. «Burgutlar» yozda Vilfrid Zaxani yo‘qotishi aniq va ular hujum chizig‘ini kuchaytirmoqchi.

Qayd etilishicha, «Fulxem» Aleksandr Mitrovich uchun 30 million yevrodan ko‘proq pul talab qiladi.

Aleksandr Mitrovich 2022/2023 yilgi mavsumda «Fulxem» safida 25 ta o‘yinda maydonga tushdi. Ularda hujumchi 12 ta gol urgan va sheriklariga 4 ta golli uzatma yozdirib qo‘ygan.