"Chelsi" darvozaboni Eduar Mendi faoliyatini "Bavariya"da davom ettirishi mumkin. Bu haqda Todofichajes xabar berdi. Myunxenliklar allaqachon 31 yoshli darvozabon bilan aloqa o‘rnatgan.
Oldinroq, yangi tayinlangan bosh murabbiy Tomas Tuxel Mendini "Bavariya"da ko‘rmoqchi ekani haqida xabar berilgandi. Nemis mutaxassisi "Chelsi"da ishlaganida Mendi jamoaning asosiy darvozaboni edi. Hozirda birinchi raqamli post Kepa Arrisabalagaga o‘tdi.
Eduar Mendi Transfermarkt ekspertlari tomonidan 18 million yevroga baholangan. 2022/2023 yilgi mavsumda 11 ta o‘yinda senegallik kiper 15 ta gol o‘tkazib yuborgan.