"Челси" дарвозабони Эдуар Менди фаолиятини "Бавария"да давом эттириши мумкин. Бу ҳақда Todofichajes хабар берди. Мюнхенликлар аллақачон 31 ёшли дарвозабон билан алоқа ўрнатган.
Олдинроқ, янги тайинланган бош мураббий Томас Тухель Мендини "Бавария"да кўрмоқчи экани ҳақида хабар берилганди. Немис мутахассиси "Челси"да ишлаганида Менди жамоанинг асосий дарвозабони эди. Ҳозирда биринчи рақамли пост Кепа Аррисабалагага ўтди.
Эдуар Менди Transfermarkt экспертлари томонидан 18 миллион еврога баҳоланган. 2022/2023 йилги мавсумда 11 та ўйинда сенегаллик кипер 15 та гол ўтказиб юборган.
