"Manchester Yunayted" himoyachilari Aaron Van-Bissaka va Aksel Tuanzebe sport fuqaroligini o‘zgartirishi mumkin, deb xabar beradi Daily Mail.
Manbaga ko‘ra, futbolchilar Angliya terma jamoasini Kongo Demokratik Respublikasi terma jamoasiga o‘zgartirishi mumkin, chunki ikkalasi ham etnik kongolik.
25 yoshli Tuanzebe bu mavsumda "Stok Siti"da 5ta o‘yinda maydonga tushdi.
25 yoshli Van-Bissaka joriy mavsumda “Yunayted” safida 22 ta o‘yinda maydonga tushdi va 1 ta golli uzatmani amalga oshirdi.
Ikkala futbolchi ham Angliyaning asosiy jamoasi tarkibida bitta ham o‘yin o‘tkazmagan.