"Manchester Siti" joriy mavsum oxirida yarim himoya chizig‘ini kuchaytirishni rejalashtirmoqda. Daily Mail xabariga ko‘ra, "shaharliklar" "Selta" yarim himoyachisi Gabri Veygani kuzatishmoqda.
20 yoshli ispaniyalik futbolchi professional faoliyatidagi ilk to‘liq mavsumini o‘tkazmoqda. Joriy mavsumda Veyga 28 ta o‘yinda 9 ta gol urdi va 3 ta golga assistentlik qildi.
Uning "Selta" bilan shartnomasi 2026 yilning yoziga qadar mo‘ljallangan. Transfermarkt portali futbolchini 30 million yevroga baholamoqda.
