Fotomac xabariga ko‘ra, “Olimpiakos” yarim himoyachisi Xames Rodriges yozda “Beshiktosh”ga o‘tishi mumkin.

31 yoshli kolumbiyalik futbolchining Gresiya klubi bilan shartnomasi mavsum oxirida yakuniga yetadi. Manbaga ko‘ra, "Beshiktosh" futbolchi bilan ehtimoliy transfer borasida allaqachon bog‘langan.

Joriy mavsumda Hames “Olimpiakos” safida 21 ta o‘yinda maydonga tushib, 5 ta gol urdi va 6 ta golli uzatmani amalga oshirdi. U o‘tgan yozdan beri jamoada harakat qilmoqda. Yarim himoyachi avvalroq Qatarning "Ar Rayyan", "Everton", "Real", "Bavariya", "Monako" va "Portu" klublarida to‘p surgan.