Fotomac хабарига кўра, “Олимпиакос” ярим ҳимоячиси Хамес Родригес ёзда “Бешиктош”га ўтиши мумкин.
31 ёшли колумбиялик футболчининг Греция клуби билан шартномаси мавсум охирида якунига етади. Манбага кўра, "Бешиктош" футболчи билан эҳтимолий трансфер борасида аллақачон боғланган.
Жорий мавсумда Ҳамес “Олимпиакос” сафида 21 та ўйинда майдонга тушиб, 5 та гол урди ва 6 та голли узатмани амалга оширди. У ўтган ёздан бери жамоада ҳаракат қилмоқда. Ярим ҳимоячи аввалроқ Қатарнинг "Ар Райян", "Эвертон", "Реал", "Бавария", "Монако" ва "Порту" клубларида тўп сурган.