Universo Valdano dasturi mehmoni bo‘lgan Dani Sebalyos Madriddagi hozirgi holati va kelajakdagi rejalari haqida gapirdi.

Uning aytishicha, bor e’tiborini shartnoma bo‘yicha qolgan uch oyiga qaratishi va o‘zining eng yaxshi versiyasini ko‘rsatishi kerakligini aniq biladi.

Kelajagi haqida:

- Men futbol o‘ynashni va maydondagi darajam bo‘yicha baholashlarini xohlayman. Agar bunga loyiq bo‘lmasam shartnomani uzaytirishni, aksincha bo‘lsa, boshqa klubga o‘tishni xohlamayman. Hozircha bor e’tiborimni amaldagi shartnomam bo‘yicha qolgan uch oyimga qaratmoqchiman. Mavsum tugagach esa gaplashishim kerak bo‘lganlar bilan suhbatlashaman va agentim hamda oilam bilan yig‘ilishib, men uchun eng yaxshisiga qaror qilamiz, albatta.

Eng yaxshi lahzalar haqida:

- «Real» safiga juda yosh qo‘shilish - bu butunlay o‘zgacha. Bunday klubga kelganingizda siz qayerga kirganingizni va o‘yiningizga qanday talablar borligini tezda tushunasiz. Yaqindagina mukammal yoshga kirdim. Va aynan shu davr butun sport faoliyatimdagi eng yaxshi onlarimdir.

Tug‘ilib o‘sgan joyi haqida:

- Utrera (Sevilya provinsiyasi tarkibidagi munisipalitet - PS) o‘z izini qoldirgan ko‘plab ajoyib futbolchilarga ega. Bir so‘z bilan aytadigan bo‘lsak, Utrera - Andalusiya futbol beshigidir. Kerakli tajribaga ko‘chada erishasiz, ya’ni bezorilik va donolikka... mashg‘ulotlarda erisholmaydigan narsalarni o‘rganasiz.

«Betis» haqida:

- «Betis»ga o‘tishim faoliyatimdagi eng yaxshi voqea bo‘ldi. «Vilyamarin»da o‘ynash qandaydir o‘zgacha edi. «Betis»da o‘ynash men uchun eng katta narsa edi: juda yoqimli tajriba bo‘ldi. Kiyinish xonasida ham ajoyib muhit hukmron. Adan mening otamdek edi. Bir paytlar asosiy jamoa bilan mashq qilishni xohlamay qolgandim, chunki menga qo‘pol munosabatda bo‘lishgandi.

To‘psiz harakatdagi fidoyilik haqida:

- Agar chindan ham pul ishlashni istasangiz, fidoyi bo‘lishingiz shart. To‘rtta zarba va golli uzatma qilish yetarli emas. Maydon markazidan himoya hududiga qadar ishlash kerak. Mana, o‘yinchi qayerda muhim ahamiyat kasb etadi. Buni menga Pepe Mel (Xose Mel Peres - «Betis» murabbiyi (2010-2016) - PS) aytgan va bu xotiramda saqlanib qoldi.

Solidar o‘yin haqida:

- Men Vinisius yoki Benzemaning orqasidan yugurishni yaxshi ko‘raman. O‘yinlarda natija olib keladigan futbolchilar aynan ulardir. Siz esa buni tushunishingiz va ularga yordam berishingiz kerak.

Luis de la Fuente haqida:

- Luis de la Fuente terma jamoa bosh murabbiyi bo‘lishga loyiqdir. Hozir u o‘z ishini yaxshi bajarishini ko‘rsatish imkoniyatiga ega. Uning qo‘l ostida sovrinlar yutishimizga yuz foiz aminman. U barcha yosh ispan futbolchilarini biladi va tajriba bilan iste’dodni birlashtirishi mumkin. Bu esa kelajakdagi qiyinchiliklar oldida burilish nuqtasi bo‘lishi mumkin.

Florentino Peres haqida:

- Florentino menga «Real Madrid» yarim himoyasining kelajagi ekanligimni aytdi. Qaytishimga ishontirgan aynan u edi. Birinchi mashg‘ulotlardayoq to‘p bilan o‘ynash tezligim hisobiga o‘zimni yaxshi o‘yinchi, deb bildim. To‘pga egalik qilishda juda abgor holatda edim, juda qiynalardim. Keyin, avvaliga ko‘proq o‘ylashim kerakligini angladim. Qiyin edi, lekin professional o‘yinchidan elita darajasigacha ko‘tarilish uchun katta qadam tashlash kerakligini tushunib yetdim.

Zidan bilan ziddiyat haqida:

- Vaqt o‘tishi bilan Zidanni tushuna olaman. Qarshimda Luka (Modrich) va Toni (Kroos) kabi futbolchilar bor edi. Men xato qildim, chunki umidsizlik girdobida edim. Shunday bo‘lsa-da, har doim borimni berishga harakat qildim, lekin o‘ynamayotgan bo‘lsangiz bu qiyin.

Angliyadagi faoliyati haqida:

- Premyer-liga - o‘ta qo‘pol chempionat. Har bir o‘yinda o‘yinchilar katta bosimga duch kelishadi. Ritmga kirishim uchun biroz vaqt kerak bo‘ldi. Ammo bu chempionat sizni ancha yaxshi o‘yinchiga aylantiradi. Premyer-ligada o‘tkazilgan davr faoliyatimda asosiy bosqichga aylandi.

Arteta haqida:

- Arteta dunyoning eng yaxshi uch murabbiyidan biri bo‘lish uchun hamma narsaga ega. Uning qo‘l ostida yangi narsalarni o‘rgandim. U o‘yinlarda nima bo‘lishini oldindan biladi. Uning qo‘l ostida boshimdan kechirganlarimni boshqa joyda ko‘rishim dargumon. Mikel o‘yinchiga nima kerakligini biladi va u men uchun dunyodagi eng yaxshilaridan biridir.

Terma jamoadagi voqea haqida:

- To‘pig‘imdagi og‘riqni yashirish uchun dorilardan foydalandim. Finaldan bir kun oldin mashq qilishga harakat qilib ko‘rdim, ammo og‘riq yo‘qolmadi. Madridga kelganimda esa shifokor agar o‘ynasam, faoliyatim xavf ostida qolishi mumkinligini aytishdi. Terma jamoaga chaqirildim, lekin vaziflari bo‘lishiga qaramay, menga qarshi bo‘lgan narsalar haqida aytishmadi. Jarohatimga yechim topa olmadim, suyak shishishi bor edi... Qatardagi mundialdan keyin ham to‘pig‘imda hech qanday yengillik sezmadim.

«Bernabeu» bilan uyg‘unlik haqida:

- Eng muhimi, muxlislaringiz tomonidan tan olinishingizdir. «Real Madrid» muxlislari mehrini qozonish bir kechada sodir bo‘lmaydi. Jamoadoshlar, murabbiylar shtabi ishonchi... sizni kattaroq qarorlar qabul qilishga va oldingiday o‘yinchi bo‘lib qolishingizga majbur qiladi.