Diario AS xabariga ko‘ra, Kilian Mbappe "Real"ga 2024 yilning yozida jamoaga o‘tishni xohlashini aytgan.
Fransuz ham shu yozda ko‘chib o‘tishga tayyor; ammo, "PSJ" o‘zining yulduz futbolchisi bilan xayrlashishga hali tayyor emas.
Mbappening parijliklar klubi bilan amaldagi shartnomasi 2025 yilning iyulida yakuniga etadi. Biroq, parijliklar kelasi mavsumda Chempionlar ligasida g‘olib chiqa olmasalar, keyingi yili unga ketishga ruxsat beriladi.
"Real Madrid" 24 yoshli futbolchini endi ko‘ndirish niyatida emas. Klub uning faol harakatini kutmoqda.
Eslatib o‘tamiz, o‘tgan yili Mbappe so‘nggi daqiqada PSJ bilan shartnomani uzaytirishga rozi bo‘lib, "qaymoqranglilar"ni hayratda qoldirgan edi. Ko‘pchilik Qatar amiri yulduz forvardga katta bosim o‘tkazganidan gumon qilmoqda.
