Diario AS хабарига кўра, Килиан Мбаппе "Реал"га 2024 йилнинг ёзида жамоага ўтишни хоҳлашини айтган.
Француз ҳам шу ёзда кўчиб ўтишга тайёр; аммо, "ПСЖ" ўзининг юлдуз футболчиси билан хайрлашишга ҳали тайёр эмас.
Мбаппенинг парижликлар клуби билан амалдаги шартномаси 2025 йилнинг июлида якунига этади. Бироқ, парижликлар келаси мавсумда Чемпионлар лигасида ғолиб чиқа олмасалар, кейинги йили унга кетишга рухсат берилади.
"Реал Мадрид" 24 ёшли футболчини энди кўндириш ниятида эмас. Клуб унинг фаол ҳаракатини кутмоқда.
Эслатиб ўтамиз, ўтган йили Мбаппе сўнгги дақиқада ПСЖ билан шартномани узайтиришга рози бўлиб, "қаймоқранглилар"ни ҳайратда қолдирган эди. Кўпчилик Қатар амири юлдуз форвардга катта босим ўтказганидан гумон қилмоқда.