"Manchester Yunayted" himoyachisi Lyuk Shou jamoada uzoq vaqt qoladi. Jurnalist Fabrisio Romano xabariga ko‘ra, ingliz futbolchisi o‘z jamoasi bilan 4 yilga mo‘ljallangan yangi shartnoma bo‘yicha kelishib olgan.
Manbaga ko‘ra, tomonlar yangi kelishuv bo‘yicha barcha masalalarni hal qilgan. Tez orada kelishuv rasman e’lon qilinishi kerak.
Qayd etilishicha, Shouga "Manchester Yunayted" bosh murabbiyi Erik ten Xag juda yoqadi. Niderlandiyalik murabbiy qo‘l ostida Lyuk nafaqat chap qanot himoyachisi, balki himoya markazida ham ajoyib holatda o‘ynadi.
Bu mavsumda Shou Angliya Premyer-ligasida bir gol va ikkita golli uzatmani qayd etdi.
