"Bavariya"ning sobiq futbolchisi Aryen Robben Bundesliga chempionligi uchun kurashdagi asosiy o‘yin haqida o‘z fikrlari bilan o‘rtoqlashdi.

Myunxenliklarning Dortmundning "Borussiya"siga qarshi uchrashuvi 1 aprel kuni bo‘lib o‘tadi. Ayni damda “Asalarilar” turnir jadvalida “Bavariya”dan bir ochkoga oldinda bormoqda.

"Bavariya"da murabbiy almashishi ijobiy natija berishi kerak. Menimcha, o‘z uyida jamoa "Borussiya" bilan o‘yinda yaqqol favorit hisoblanadi.

Hal qiluvchi omil - bu tayyorlik. Bunday o‘yinda raqibga juda qiyin bo‘lishini darhol bildirish kerak. Siz hamma narsani yuz foiz berishingiz kerak”, - dedi Robben “Bavariya” rasmiy kanaliga bergan intervyusida.